Esta atópase na web do Concello (apartado de novas) coma nas redes sociais
Laura Moure/Silleda
O Concello de Silleda solicita acolaboración e participación cidadá para cubrir unha enquisa coa que sondear o interese e coñecemento dos veciños e veciñas, empresas e
asociacións de Silleda sobre as comunidades enerxéticas e en xeral, sobre as iniciativas de autoconsumo colectivo de enerxía renovable.
Publicidade
A enquisa atópase na web do Concello (apartado de novas) coma nas redes sociais. Coas respostas contribúese a buscar a solución máis acaída ás necesidades de Silleda para a creación da primeira Comunidade Enerxética da vila.
Publicidade
O Concello foi seleccionado como un dos 20 concellos rurais galegos que participarán no proxecto EC4RURAL, un proxecto europeo que, cun orzamento total de 1,60 millóns para o período 2023-2027, pretende contribuír á transición cara ao consumo consciente de enerxías limpas, garantindo que o rural non se quede atrás nun imprescindible cambio de
modelo no escenario climático actual.
A Universidade de Vigo lidera este consorcio multidisciplinar formado por concellos de España, Bélxica e Estonia. En Galicia tamén participan a FEGAMP, a Cooperativa Sapiens Energía, Unión de Cooperativas Galegas e a Fundación Juana de Vega.
Publicidade
Deste xeito, grazas a este proxecto conseguirase que Silleda estea na primeira liña de traballo na transición cara ás enerxías verdes coa creación no noso territorio dunha Comunidade de Enerxía Fotovoltaica
Comments