O Concello de Touro pide á Xunta melloras no mantemento da estrada AC-240

Ecos da Comarca/Touro

O contrato da Xunta de Galicia para mantemento da estrada AC-240 finaliza este ano. O Concello de Touro puxo en coñecemento da Axencia Galega de Infraestruturas, que é a titular da estrada, as deficiencias no mantemento, limpeza da senda peonil e desbroce das marxes da vía.

O Concello lémbralle á Xunta que esta estrada é tramo da Ruta Cicloturística europea EUROVELO-3 “Ruta dos Peregrinos en Bicicleta” , que tamén discorre por núcleos de poboación principais; destacando por elo a importancia da súa limpeza e mellora da imaxe.

Publicidade

Preme na imaxe para obter máis información.

Tamén destaca o abandono das áreas anexas da antiga estrada (na A Muíña, A

Ponte Nova – ponte medieval sobre o río Lañas, ou Bentín) que son titularidade da Xunta e que non se fai mantemento delas.

Publicidade

Preme na imaxe se queres contactar connosco.

O Concello de Touro pide á Axencia Galega de Infraestruturas que nos novos pregos do futuro contrato de mantemento se teñan en consideración estas circunstancias, de xeito que nos vindeiros anos se mellore a limpeza, estética e seguridade da estrada para vehículos, viandantes e ciclistas.