Pasará por Touro o 15 de xuño e ata o 15 de febreiro os interesados poden conseguir inscricións gratuítas
Ecos da Comarca/Touro
O Concello de Touro colabora na celebración da Marcha ciclista Eurovelo Compostela, unha ruta cicloturista, organizada polo clube ciclista os Escaravellos de Santiago de Compostela, que atravesará Touro o día 15 de xuño para completar o percorrido de 82 quilómetros.

Os ciclistas circularán pola estrada AC-240 dende o Empalme de Vilar ata o límite de Beseño co concello de Arzúa. En Fonte Díaz terá lugar un avituallamento sólido e líquido e producirase o reagrupamento do pelotón.
Publicidade
Coa colaboración, o Concello de Touro tamén goza dunhas inscricións gratuitas para os cicloturistas naturais do concello, que se sortearán entre os que que soliciten a preinscripción enviando ata o 15 de febreiro un correo a deportes@concellodetouro.gal
Comments