O Concello de Sobrado desprega os seus encantos a través dun vídeo promocional

Laura Moure/Sobrado dos Monxes

O Concello de Sobrado desprega os seus encantos nun vídeo promocional co que pretende impulsar o turismo. O alcalde, Lisardo Santos, presentou este domingo o vídeo aos veciños e veciñas do concello na Praza do Portal, lugar no que se instalou unha carpa para proxectar a peza e a súa "making of".

Santos tamén presentou con anterioridade o vídeo ás autoridades, co obxectivo de darlles a coñecer a oferta turística municipal e crear novas sinerxias para impulsar xuntos e xuntas o territorio. No vídeo proxéctanse lugares como o Mosteiro de Santa María, o campamento romano da Ciadella, o Museo Bea Rey, a carballeira da Casa do Gado, a lagoa de Sobrado ou Pena Moura, así como produtos gastronómicos locais.

https://www.youtube.com/watch?v=eHxFzcxRKj0

O vídeo promocional de Sobrado dos Monxes.