Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

O Concello de Silleda xa está a preparar as piscinas municipais para a tempada estival

A previsión da Concellería de Deportes pasa por abrir as instalacións de

Silleda e A Bandeira na primeira semana de xullo


Laura Moure/Silleda

A Concellería de Deportes de Silleda está xa a traballar na posta a punto das piscinas municipais de Silleda e da Bandeira para a tempada estival. As tarefas de limpeza e acondicionamento comezaron xa a pasada semana nos dous recintos que abrirán as súas

portas ao público o vindeiro mes. A previsión do Concello pasa por abrir as piscinas na primeira semana do vindeiro mes de xullo, como vén sendo habitual nos últimos anos.


Preparación piscinas de Silleda.

A posta a punto das piscinas municipais incluirá tamén a mellora e adecentamento das instalacións, co pintado de fachadas compleando así reformas coma a dos vestiarios e aseos de Silleda, aínda sen estrear aoestar pechados polas restriccións covid no pasado verán.


Por outra banda, e tamén de cara á apertura das piscinas municipais o goberno municipal ten previsto aprobar nos vindeiro días en xunta de goberno as bases para a contratación dos tres socorristas que atenderán nesta tempada estival os dous recintos. O custe da entrada será de 1 euro, tal e como se recolle na ordenanza de instalacións deportivas, e abonarase nas propias instalacións. Tamén se prevé retormar a emisión de bonos para toda a tempada para as persoas e familias residentes en Silleda, con prezos máis vantaxosos e que se expiden no propio Concello. O pasado ano, debido ás restriccións por mor da pandemia e as limitacións en canto a número de persoas usuarias non se expediron estos bonos, que agorá se retormará cun prezo de 20 euros, para adultos, e de 16 euros para nenos e nenas ata os 16 anos. Para os non residentes, os bonos de adulto custan 35 euros e os de nenos 25 euros.


Así mesmo, as persoas que estén empadroadas no municipio de Silleda poderán mercar bonos familiares. Para os dous cónxuxes custarán 20 euros; se se inclúe un fillo este pagará 16 euros; se son dous fillos, o segundo só pagaría 8 euros, e un terceiro fillo (ou a partir do terceiro) iría gratis co bono familiar.


Cursos de natación

Por outra banda, o Concello de Silleda tamén ten previsto retomar os cursos de natación nas piscinas municipais en xullo e agosto. Nas vindeiras semanas estableceránse, en funcións das medidas que se dicten para este tipo de instalacións, as condicións de participación nesta iniciativa.


17 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE