O Concello de Silleda renova as redes no campo de fútbol de Outeiriño

Procedeuse á substitución das antigas situadas detrás dunha das porterías, na zona de paso do público

Laura Moure/Silleda

O Concello de Silleda continúa ca mellora das infraestruturas deportivas. Así na xornada de onte procedeuse ao cambio de redes protectoras no campo de fútbol municipal de Outeiriño.

O tramo, de algo máis de 45 metros de lonxitude renovouse por completo con esta dotación, que mellorará as condicións de xogo e a seguridade do público asistente. Estas redes estaban situadas detrás dunha das porterías, separando o terreo de xogo da zona de paso do estadio.

Con esta actuación, continúouse cas melloras levadas a cabo neste recinto, onde tamén se renovaron un dos vestuarios, compartidos co recinto da piscina municipal, e se procedeu ao cambio de canalóns, e ao pintado da fachada exterior, entre outros.

Preme na imaxe se queres contactar connosco!

Nos vindeiros meses dende o Concello de Silleda continuarase con máis actuacións de mellora en varias instalacións deportivas do municipio.