top of page

O Concello de Silleda remite ás casas o manual de boas prácticas alimentarias

Esta semana iniciouse o buzoneo ás vivendas dos dous cascos urbanos con folletos informativos sobre a separación de residuos e contra o desperdicio de alimentos


Laura Moure/Silleda

O Concello de Silleda, durante esta semana, estará buzoneando todos os domicilios de Silleda e Bandeira, con material informativo sobre a correcta separación de residuos, así como algúns consellos e boas prácticas para previr o desperdicio de alimentos e reducir así a xeración de residuos.

Con esta acción, quérese reforzar a mensaxe de aportar cada residuo ao colector que lle

corresponde, chamando á cidadanía a corresponsabilizarse, así como da importancia da prevención de residuos, para reducir o impacto ambiental do noso municipio.


Guía de separación de residuos

Coa incorporación do colector marrón o pasado mes de xaneiro, xa son cinco as fraccións que a cidadanía atopará en todas as illas de colectores. Agora, practicamente todos os residuos que se xeran en casa poden ir a un dos colectores de reciclaxe (envases lixeiros, papel, envases de vidro e orgánica), deixando para o colector de resto so algúns dos residuos domésticos, esencialmente produtos de hixiene íntima, produtos de limpeza,

cabichas de cigarro e o polvo de varrer.


Publicidade

Manual de boas prácticas alimentarias

Os residuos orgánicos supoñen entre o 40% e o 50% dos residuos xerados nas casas. Ademais, moitos destes poderíanse evitar introducindo algunhas boas prácticas para non ter que tirar comida ao lixo. Cabe recordar que a prevención (reducir e reutilizar) de residuos é a mellor das alternativas que temos sobre a xestión de residuos, mesmo por diante da propia reciclaxe, como ben propón o lema das “3 R”: Reducir – Reutilizar – Reciclar.


Aspectos como planificar as comidas e a compra semanal, almacenar axeitadamente os alimentos seguindo as indicacións de cada un, aproveitar todas as partes dos alimentos ou practicar a cociña de aproveitamento (a partir de restos doutras elaboracións), poden supoñer un avance importante en termos de prevención de residuos.


Publicidade

Ao abeiro da ORDE do 1 de xuño de 2023 pola que se establecen as bases reguladoras para a concesión de axudas a entidades locais de Galicia para o financiamento de actuacións en materia de biorresiduos de competencia municipal, cofinanciada polo fondo europeo relativo ao Mecanismo de recuperación e resiliencia da UE no marco do Plan de

recuperación, transformación e resiliencia, financiada pola Unión Europea NextGenerationEU, e se procede á súa convocatoria en réxime de concorrencia non competitiva para os anos 2023 e 2024.



0 comentarios

Opmerkingen


IRS.gif
Copia de ¡TU Anuncio!.gif
Ecos_da_Comarca_neg.png
bottom of page