Laura Moure/Silleda
O goberno municipal de Silleda convocou en días pasados a Comisión Informativa Especial de Contas, previa a unha sesión extraordinaria, na que se abordarán distintas cuestións. A comisión terá lugar este mércores. Así, na orde do día figura a proposta de acordo para iniciar o expediente de contratación do servizo de recollida e xestión dos Residuos Sólidos Urbanos (RSU) ampliando o contrato á recollida de cartón, plásticos agrícolas e á xestión do Punto Limpo. A partir deste acordo, iniciaráse despois a redacción de pregos para a licitación do servizo e outros trámites.
Tamén se abordará na comisión informativa previa ao pleno a proposta de adxudicación para realizar as obras de mellora da mobilidade peonil na rúa Progreso, unha actuación á que se presentaron un total de cinco empresas, e que está cofinanciada polo IDAE.
Comments