O Concello de Silleda estudia colaboracións ca Asociación Española Contra o Cancro

Laura Moure/Silleda

Braña e Troitiño durante a reunión.

O Concello de Silleda estudiará colaboracións ca Asociación Española contra o Cancro. A concelleira de Benestar Social e Sanidade, Ángela Troitiño, mantivo un encontro co traballador social da entidade, Pablo Braña, para un primeiro achegamento no que establecer liñas de colaboración.

O apoio psicolóxico a persoas que sofren esta enfermidade, asesoramento, ou achegamento a pacientes que residen no entorno rural, son algunhas das posibles vías de colaboración.“ Dende o Concello de Silleda estamos á disposición da entidade para colaborar no que sexa preciso para axudar ás persoas que padecen esta enfermidade”, sinala a concelleira.