O Concello de Santiso xa ten aberto o prazo de inscrición do seu campamento de verán

Os interesados poderán anotarse ata o 12 de xuño

Laura Moure/Santiso

O Concello de Santiso xa ten aberto, dende onte 29 de maio, o prazo de inscrición do seu campamento de verán. Os interesados poderán anotarse ata o 12 de xuño no propio Concello ou a través da súa sede electrónica.

Esta iniciativa está dirixida aos cativos e cativas de 3 a 14 anos e levarase a cabo dende o 1 de xullo ao 2 de agosto, habendo así unha única queda de cinco semanas. Haberá obradoiros, practicarase deporte, desfrutarán de excursións e de moita aventura. O horario do campamento de verán 2024 será de mañá, de 10:00 a 13:30 horas.

Publicidade

Preme na imaxe se queres saber máis desta empresa.

Prezos

Os nenos/as empadroados ou escolarizados no municipio de Santiso terán unha contía semanal de 5 euros e a data de empadroamento ou escolarización deberá ter unha antigüidade mínima de 2 meses.

Para os nenos/as de fóra do Concello a contía semanal será 15 euros.

Publicidade

Preme na imaxe se quere contactar connosco.

Os interesados poden obter toda a información así como descargar o formulario de inscrición no seguinte enlace: https://santiso.gal/actos-cultura/campamento-de-veran-2024/