O Concello de Santiso organiza un campamento de verán que será do 5 de xullo ao 6 de agosto
- Laura Moure
- 6 jun 2021
- 2 Min. de lectura
Está dirixido a nenos de entre tres e 14 anos
Laura Moure/Santiso
O Concello de Santiso organiza un campamento urbano para este verán. Está dirixido aos menores de idades comprendidas entre os tres e 14 anos (deben ter ese tramo de idade durante a realización da actividade). O horario será de mañá de 10:30 a 13:30 horas e haberá tres quendas: terá unha única que será desde o 5 de xullo ao 6 de agosto de 2021 (cinco semanas en total).
Criterios para a adscricón de praza:
No caso de que haxa máis solicitudes que prazas, os criterios de adscrición de praza serán os seguintes:
Os casos de emerxencia social do concello de Santiso, que estarán exentos de pago presentando o correspondente informe do Servizos Sociais do Concello.
Os/as nenos/as empadroados no concello de Santiso.
Os escolarizados no CEIP de Arcediago.
O resto de solicitudes. En todos os casos terase en conta a orde de rexistro de entrada no Concello de Santiso.
A contía do prezo público regulado está fixada na ordenanza e serán as tarifas que se citan a continuación:
Para os nenos/as empadroados ou escolarizados en Santiso: Contía semanal: cinco euros semanais. A data de empadroamento ou escolarización deberá ter unha antigüidade mínima de dous meses.
Para os nenos/as de fóra do concello: Contía semanal: 15 euros semanais.
A diferenza de importes considérase unha subvención de oficio do cConcello para os seus veciños e escolares.
O prazo de inscricións xa está aberto e remata ás 23:59:59 horas do día 15 de xuño, a lista de persoas admitidas publicarase o 17 de xuño e o prazo para o pagamento de taxas será do 18 ata o 23 de xuño.
Os interesados poden obter máis información nas bases que se poden consultar neste enlace así como saber que documentación deben presentar:
Comentarios