O Concello de Rodeiro impulsa clases de español e galego para crianzas inmigrantes

Ecos da Comarca/Rodeiro

O tenente de alcalde e responsable da área de Educación de Rodeiro, Alberte Lamazares, informa que dende o servizo municipal de educación e apoio familiar impulsan clases de español e galego para crianzas inmigrantes que chegaron xunto coas súas familias nos últimos meses a Rodeiro.

Foto de arquivo dunha aula.

Publicidade

Preme na imaxe para obter máis información do evento.

"Con este proxecto que se desenvolverá durante o período de vacacións escolares de verán tentamos dar continuidade á inmersión lingüística que se leva a cabo dende o centro educativo, reforzando a mesma agora que remataron as clases lectivas. O coñecemento da lingua é un piar fundamental para a integración na sociedade e para lograr os obxectivos académicos", recalca.

Publicidade

Preme na imaxe se queres contactar connosco.

As clases estanse a desenvolver na biblioteca municipal 2 días á semana e cóntase coa colaboración de outros menores inmigrantes que xa dominan tanto castelán coma galego e están totalmente integrados na comunidade para axudar ás educadoras nas dinámicas propostas.