O Concello de Palas celebrará o Entroido os días 26 e 28 cun desfile, con inchables e con merenda

Repartirá 920 euros en premios

Ecos da Comarca/Palas de Rei

O Concello de Palas de Rei organiza para os días 26 e 28 de febreiro a súa programación do Entroido. O sábado 26 será o desfile de disfraces ás 18:30 horas, con entrega de premios ás 21:00 horas, no que o Concello ten previsto repartir 920 euros. Estes estarán distribuídos en tres categorías: individual, grupos ata cinco persoas e grupos de máis de cinco persoas cada unha delas.

Desta forma, haberá un primeiro, segundo e terceiro premio, así como, un premio especial á orixinalidade. Ademais, o luns 28, haberá xogos inchables na Praza do Concello ás 16:30 horas con entrega de merenda individual ás 18:00 horas.