O Concello de Monterroso sinalizará os seus recursos turísticos

Ecos da Comarca/Monterroso

O Concello de Monterroso informa que nos vindeiros días comezará a sinalar recursos turísticos deste municipio co fin de poñer en valor e potenciar o patrimonio co que conta.

En concreto, sinalizaranse e instalaranse en zonas estratéxicas do pobo rueiros e información importante como aloxamentos, restauración e comercio, así como a oferta turística do concello.

Tamén se sinalizarán as principales igrexas románicas para poñelas en valor ademais do Pazo-Torre de San Miguel e dúas zonas de protección paisaxística como son as Penas de Pol e os Castelos de Ambarría.

A área recreativa da Peneda é un dos atractivos de Monterroso. Autor: Ecos da Comarca.