Recalca que aposta polas pemes e autonómos do municipio e que rexistra un período medio de pagos de proveedores moi baixo, sendo duns 9,7 días
Laura Moure/Monterroso
O Concello de Monterroso afronta o ano 2022 cunha política de xestión económica "rigurosa e responsable", tal e como sinala o Concello, mantendo as súas contas saneadas e a amortización de débeda prevista, a pesares das dificultades derivadas da pandemia do coronavirus. “Cumprimos o obxectivo que tiñamos desde o comezo do mandato. Entramos no goberno en plena pandemia, nun momento moi delicado, pero mantivemos e melloramos os servizos para os nosos veciñas e veciñas, sen cambiar para elo a nosa política de contas saneadas e pagando as facturas o antes posible para darlles liquidez a pemes e autónomos”, explica a alcaldesa, Rocío Seijas.

A rexedora destaca que "na nosa política temos a prioridade por apostar por empresas e
autónomos monterrosinos, dándolles tamén a oportunidade a profesionais que nunca antes
traballaran e facturaran ao Concello”. Así mesmo fai un chamamento para todo aquel que teña unha proposta de mellora na que poida traballar para o Concello que se achegue a falar directamente para poder analizala, buscar financiación e traballar para poñela en valor.
Entre outros indicadores, o Concello informa que, tras a execución orzamentaria correspondente ao cuarto trimestre de 2021, constátase un estrito cumprimento do período medio de pago (PMP) e o cumprimento dos prazos para o pago segundo a normativa de
morosidade. Atendendo aos cálculos realizados con arranxo ao disposto na lexislación vixente para determinar este valor, os técnicos constatan que o PMP do Concello de Monterroso é de 9,7 días, cando o límite máximo establecido por lei se sitúa en 30 días. Respecto ao cumprimento dos prazos de pago a provedores, en todo o ano 2021, cúmprense os prazos establecidos na normativa sobre morosidade, que, entre outras, son a Lei 3/2004, do 29 de decembro, pola que se establecen as medidas de loita contra a morosidade nas operacións comerciais; a Lei 15/2010, de 5 de xullo, de modificación da lei anterior; e a Lei 9/2017, do 8 de novembro, de contratos do sector público.
O Concello de Monterroso continúa con esta rigurosidade a pesar de estar amortizando unha débeda que actualmente se sitúa nos 300.000 euros, pero que se iniciou no ano 2001 con preto dun millón de euros. Á súa vez o Concello de Monterroso cumpre co PMP Global e, polo tanto, non figura no listado remitido polo Ministerio de Facenda, que inclúe as entidades incumpridoras e consecuentemente obrigadas a aplicar a medida recollida na Disposición Adicional 94 da Lei de Presupostos Xerais do Estado de 2022.
Comments