Laura Moure/Monterroso
O Concello de Monterroso vén de levar a cabo os traballo de mellora da iluminación do parque empresarial da vila, unha actuación para a que o Goberno local contou cunha axuda de 24.564 euros da Xunta de Galicia. A actuación tivo un presuposto total de 30.705 euros, que o Goberno galego financiou nun 80%.
Para poder facer este investimento o Concello de Monterroso conseguiu unha axuda da Consellería de Economía, Industria e Innovación para a habilitación e mellora de infraestruturas en parques empresariais.
Publicidade
En concreto, o proxecto recolleu a substitución das 47 luminarias do parque de tipo LED de potencia 60W por unhas novas luminarias LED de potencia 110W e con mellor rendemento de vatio/lumen que as que había.
Deste xeito evítase ter que duplicar a liña de alumeado existente para cubrir as necesidades do parque, o que sería máis custoso en inversión e mantemento.
Publicidade
Proximamente, o Goberno municipal que dirixe Eloy Perez ten previsto realizar unha nova mellora no alumeado do parque empresarial de cara a mellorar a súa eficiencia enerxética e completar a iluminación dalgunhas zonas que aínda están escuras.
Comments