O Concello de Monterroso acorda a demolición completa dunha edificación situada en Leborei

O expediente iniciouse en abril de 2022 tras a presentación dunha denuncia por parte dos veciños e veciñas colindantes con este inmoble

Laura Moure/Monterroso

O Concello de Monterroso acorda a demolición completa dunha edificación situada no lugar de Leborei "para evitar danos a persoas e bens". Tal e como informa o propio Concello, o expediente iniciouse en abril de 2022 tras a presentación dunha denuncia por parte dos veciños e veciñas colindantes con este inmoble.

O rexedor, Eloy Pérez, ditou providencia en agosto do 2023 para iniciar o procedemento de declaración de ruína. Desde xeito, emprazouse aos propietarios, mediante a publicación no BOE, e co período de alegacións correspondente por lei.

Tras revisar toda a documentación, o Concello vén de resolver declarar o inmoble en situación legal de ruína económica e técnica atendendo ás leis vixentes na materia e aos informes que figuran no expediente.

Publicidade

Así mesmo, a Alcaldía acorda adoptar as medidas para evitar danos a persoas e bens; entre outras o balizado do perímetro da edificación, que quedará perfectamente sinalizado, a prohibición de acceso ao interior da edificación e a permanencia nas súas inmediacións para evitar calquera tipo de accidente derivado de desprendementos da fachada ou da cuberta. As obras que se realizarán serán de demolición completa.