O Concello de Melide lamenta os actos vandálicos acontecidos na noite de Reis

Ecos da Comarca/Melide

O Concello de Melide lamenta os actos vandálicos acaecidos na madrugada do día 6. "Danos en sinais, árbores arrincadas de maceteiros, danos na Casiña Máxica dos Contos e na decoración navideña realizada polos mozos e mozas con discapacidade do programa Universo Diverso".

Cabe recordar que algo parecido aconteceu en Lalín días despois da colocación da decoración navideña, algo que non se debe permitir porque detrás está o esforzo e implicación de moita xente. "É unha pena que a falta de responsabilidade duns poucos esnaquice o traballo realizado, con tanto cariño, para que o poidan desfrutar veciñ@s e visitantes. Os espazos públicos de Melide son un espazo de convivencia no que o vandalismo non ten cabida", subliña o Concello melidense.