O Concello de Melide instala elementos de ocultación de colectores do lixo no Camiño de Santiago

Mediante estes traballos agocharonse dou de orgánicos no Carballal e Parabispo

Laura Moure/Melide

O Concello de Melide instalou elementos de ocultación nos colectores do lixo distribuídos dentro do Ben de Interese Cultural do Camiño de Santiago en varios núcleos do trazado. Con esta medida, o Concello pretende contribuír a embelecer a área e coidar da estética destes conxuntos poboacionais pouco alterados e de carácter rural. A importancia patrimonial, histórica, cultural e económica do Camiño de Santiago, sumadas á crecente vitalidade da Ruta Xacobea, fan perentorios estes traballos de adecuación.

Os labores realizados incluíron a ocultación dos colectores de residuos sólidos urbanos

mediante estruturas de cobertura de aceiro e madeira. Actuouse, concretamente, no lugar do Carballal, na parroquia de Santa María, e no Parabispo, parroquia de O Barreiro. En ámbolos dous casos, os traballos agochan visualmente contedores de 800 litros de capacidade de cor verde, destinados a residuos orgánicos.

Preme na imaxe se quere contactar connosco.

O investimento foi de 12.565 euros dos cales 9.424, foron subvencionados pola Axencia de Turismo de Galicia dentro do programa de axudas para actuacións de mellora paisaxística e de embelecemento de bens e recursos que se atopen no Camiño de Santiago. Estes traballos axústanse aos obxectivos estipulados pola Axencia de Turismo de Galicia para o desenvolvemento do turismo galego sobre valores de calidade e accesibilidade, así como o seu carácter sostible. A intervención permite afondar nunha estratexia de potenciación do turismo como un factor para o crecemento económico e reequilibrio territorial.