A concelleira de Cultura, Mayka Basalo Santín, participou xa en representación do Concello na xuntanza que mantivo o Padroado o pasado sábado, 25 de novembro
Laura Moure/Melide
O Concello de Melide vén de entrar a formar parte do Padroado da Fundación Vicente Risco. Na xuntanza deste organismo celebrada o pasado sábado, 25 de novembro, oficializouse a incorporación coa participación na mesma da concelleira de Cultura, Mayka Basalo Santín.
Publicidade
Esta integración vén culminar unha traxectoria de colaboración entre o Concello e a
Fundación. De feito, Melide acolleu o ano pasado a entrega do XXVI Premio Vicente
Risco de Ciencias Sociais, cando se recoñeceu a obra “Liberdades antigas, tempos
modernos: o republicanismo de Castelao”, de David Rodríguez.
Publicidade
A concelleira de Cultura valorou moi positivamente esta participación e lembrou a ligazón
da figura de Vicente Risco á Terra de Melide, cuxo folclore investigou na década dos anos
30 do pasado século. “Esperamos seguir colaborando coa Fundación e participando nas
súas actividades”, explicou, considerando que a Fundación Vicente Risco é “un actor
cultural de primeira magnitude comprometido coa lingua e cultura galegas”.
Publicidade
A Fundación Vicente Risco, con sede en Allariz, naceu co obxectivo de preservar o legado
material e cultural do polígrafo ourensán, unha figura fundamental no estudo da cultura
galega e no desenvolvemento do galeguismo de preguerra.
Comments