O concelleiro de Deportes, José Prado, visitou as instalacións da empresa en Palas de Rei en compañía do xerente da mesma, Jim Graña
Laura Moure/Melide
O concelleiro de Deportes de Melide, José Prado, visitou este mércores as instalacións da empresa Jim Sport, en Palas de Rei, patrocinadora da Liga de Pádel de Melide. O edil coñeceu as instalacións desta empresa punteira no ámbito deportivo, acompañado polo xerente da mesma, Jim Graña, e agradeceulle persoalmente o seu patrocinio desta liga na que actualmente participan 19 parellas.
Durante a xuntanza, dende a empresa comunicaron que ademais de co patrocinio colaborarán cedendo un agasallo consistente en material deportivo a cada participante
na liga.
“Dende o Concello de Melide expresamos o noso agradecemento a Jim Sport por unha
nova colaboración a prol do deporte local”, sinalou o concelleiro José Prado, poñendo en
valor a boa sintonía entre o Concello e distintos axentes sociais e económicos para a
organización de eventos deportivos e a promoción de hábitos de vida saudables.
Do mesmo xeito, o edil referiuse ao enorme incremento na práctica do pádel rexistrado no concello dende que se automatizou o servizo de reserva de pista e se melloraron as instalacións, separando os usos do Palacio de Congresos. “É un punto de referencia para toda a nosa comarca e concellos limítrofes pola facilidade de acceso”, asegura Prado. Ademais, sinalou que no último ano se rexistraron case 1.600 reservas nas instalacións de pádel en interior.
Comments