O Concello de Cruces está construíndo en Carbia un depósito de auga de apoio na extinción de incendios

A parcela da súa localización está atravesada por un regato que conta con gran caudal todo o ano

Laura Moure/Vila de Cruces

O Concello de Vila de Cruces está realizando no lugar do Pousadoiro, na parroquia de Carbia, as obras necesarias para a construción dun depósito de auga de apoio na extinción de incendios (tan necesario nesta época do ano en Galicia).

A parcela da súa localización está atravesada por un regato que conta con gran caudal todo o ano. Ademais linda coa estrada autonómica PO 960 e coa pista de acceso ó lugar do Pousadoiro (Carbia), polo que a comunicación é perfecta para axudar en caso dunha urxencia, polo fácil acceso (incluso para un helicóptero de incendios).

Publicidade

Preme na imaxe para obter máis información do evento.

Trátase dun depósito cunhas dimensións interiores de 10 x 15 metros e cunha capacidade de almacenamento de 225 metros cúbicos. Para que a alteración do caudal do regato sexa mínima, tomáronse todas as medidas necesarias.

Publicidade

Preme na imaxe para obter máis información do evento.

O Concello de Vila de Cruces ten unha superficie de 154,5 km², polo que conta cunha gran masa forestal. Estes datos, xunto coa realidade que vive Galicia cos incendios, son os que fan necesarios a construción de moitos máis puntos de auga. O alcalde, Luis Taboada, ve necesario que, a Xunta de Galicia conceda ó municipio moitas máis axudas, para poder seguir realizando proxectos coma este, tan útiles para unha resposta inmediata en caso de incendio, e sobre todo, para que o Concello conte cos medios necesarios e adecuados nas súas actuacións en caso de urxencia.