O Concello de Cruces esixe á Sanidade a restauración inmediata do servizo de pediatría a xornada completa

“É unha necesidade urxente, xa que actualmente estase vendo comprometida a calidade

da atención e o acceso equitativo á sanidade pública”, subliña o ente local

Laura Moure/Vila de Cruces

O Concello de Vila de Cruces enviou un escrito á Consellería de Sanidade e á Xerencia da Área Sanitaria de Santiago de Compostela e Barbanza solicitando a restauración “inmediata” do servizo de pediatría a xornada completa no centro de saúde do municipio.

O Concello explica que ata fai un mes o centro de saúde cruceño dispoñía dun servizo de pediatría a xornada completa para a atención das 512 crianzas en idade de atención pediátrica –de 0 a 16 anos– do municipio. Pero desde mediados de setembro, e por decisión da Consellería de Sanidade, o Concello sinala que o centro médico da vila só presta atención pediátrica dous días á semana, posto que a titular da praza cruceña

atende tres días en Silleda ante a baixa da pediatra do concello veciño.

Con esta medida de servizo compartido, o Concello de Vila de Cruces considera que se

están vendo afectadas e prexudicadas as familias de Cruces e tamén as máis de 1.000

crianzas de Silleda, ao ver minguados os seus dereitos no que respecta ao acceso á

atención pediátrica que precisan, cun recorte “drástico” na calidade da atención sanitaria.

Publicidade

Preme na imaxe se queres contactar connosco.

“É unha necesidade urxente, xa que actualmente estase vendo comprometida a calidade

da atención e o acceso equitativo á sanidade pública” –sinalan desde o Concello–.

Tamén o Concello explica que a dispersión xeográfica propia de Cruces provoca que haxa

familias que teñan que desprazarse ata 35 minutos para ir coas súas crianzas ao centro

médico de Silleda.