top of page

O Concello de Arzúa reabre o Club de Xubilados

O acto de apertura está previsto para este xoves, 13 de abril


Laura Moure/Arzúa

O goberno municipal do concello de Arzúa, Alternativa por Arzúa e PSdG-PSOE, procederá este xoves, 13 de abril, á reapertura do Club de Xubilados do municipio, ubicado na rúa Padre Pardo, no Centro Sociocultural María Mariño. O acto de apertura está previsto para as cinco da tarde e dende o goberno municipal convidan a todas as persoas maiores, usuarias e habituais do club, a asistir ao seu reestreno.

O alcalde, José Luis García, acompañado doutros membros do goberno municipal, estarán presentes no acto programado para este xoves, donde explicará o funcionamento deste servizo de ocio e lecer do que, en diante, poderán desfrutar todas as persoas maiores do municipio.

"O centro de maiores permaneceu cerrado ao público nos últimos meses coa finalidade de poder reabrilo con todas as medidas de seguridade e cun funcionamento regulado. O feito de que durante este tempo os maiores de Arzúa non puidesen desfrutar deste espazo de ocio non obedece a ningún capricho, senón á boa intención de ofrecer dende a administración un servizo con todas as garantías, pois antes non existía nin convenio nin procedemento legal ningún que regulase o seu funcionamento e garantise a seguridade dos seus usuarios", explica o goberno local. "Foi necesario enmendar erros que se viñan arrastrando de gobernos anteriores", recalca.

A partir de agora calquera persoa maior de Arzúa poderá facer uso do local, respectando as normas de convivencia e desfrutando de todas as actividades e servizos que se ofrezan.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page