É gratutíto, pero é necesario inscribirse
Laura Moure/Arzúa
O Concello de Arzúa, a través da Concellería de Igualdade e en colaboración coa Consellería de Política Social e Igualdade da Xunta de Galicia, organiza un Curso de Defensa Persoal, dirixido a mulleres maiores de 16 anos, co obxectivo de proporcionar ferramentas para o empoderamento e a seguridade en situacións de risco.

O curso terá lugar os días 15 e 22 de febreiro, en horario de 16:00 a 20:00 horas, na Aula 4 do Recinto Feiral Terra do Queixo e é gratuíto. As inscricións permanecerán abertas ata o 13 de febreiro, podendo realizarse na Casa das Mulleres, por teléfono nos números 981 501 101 ou 698 119 762, ou a través de internet, cubrindo o seguinte formulario https://bit.ly/42rPOHo.
Lucía López, Concelleira de Igualdade, destaca a importancia desta iniciativa: "Coa convocatoria deste curso, o que queremos desde a Concellería de Igualdade é dar todas as ferramentas necesarias ás mulleres para o seu empoderamento, que teñan os recursos imprescindibles para sentirse seguras nunha situación de risco, en tódolos ámbitos da súa vida."
Publicidade
Esta iniciativa, desenvolvida a través do Centro de Información ás Mulleres en colaboración coa Xunta de Galicia, busca non só ofrecer técnicas de autodefensa física, senón tamén fomentar o control emocional e a confianza persoal, valores clave para o benestar e a autonomía das mulleres.
Anímase a todas as interesadas a participar e a aproveitar esta oportunidade para fortalecer a súa seguridade e autoconfianza.
Comments