O Concello de Arzúa fai entrega a Amarai do premio de 1500 euros da campaña de Ecoembes
- Laura Moure
- 21 jul 2023
- 1 Min. de lectura
Laura Moure/Arzúa
O alcalde de Arzúa, Xoán Xesús Carril, fixo entrega á Asociación AMARAI do premio de 1.500 euros recibido pola campaña “Recicla e únete ao reto!” posta en marcha por Ecoembes en colaboración coa Vicepresidencia Segunda e Consellería de Medio Ambiente, Territorio e Vivenda.
“A campaña “Recicla e Únete ao reto!” consistiu en intentar superar as achegas ao contedor amarelo. No caso de Arzúa, desde o ano 2018 as achegas ao contedor amarelo aumentáronse en perto do 90%, pasando dos 40.000 quilogramos recollidos no 2018 aos máis de 76.000 quilogramos que se recolleron no ano 2022”, explicou Daniel Moscoso, concelleiro de Medio Ambiente e Benestar Animal.
Publicidade
Moscoso sinalou que “esta é a senda que debe seguir o concello de Arzúa, aumentando o compromiso social coa reciclaxe e o coidado do medio ambiente. O compromiso do novo goberno municipal de Arzúa con esta cuestión é total,” explicou o edil.
“O premio contemplaba a entrega a unha causa social, desde o Concello de Arzúa escolleuse á Asociación AMARAI, polo labor tan importante que desenvolve no noso concello e no conxunto da comarca, a prol da inclusión das persoas con discapacidade” explicou o mandatario.
Na entrega do premio participaron, ademais do alcalde, o presidente de AMARAI, José Luís Costoya, o concelleiro de Medio Ambiente e Benestar Animal, Daniel Moscoso, e o representante de Ecoembes, Bruno de LLano.
NOTICIAS RELACIONADAS:
Arzúa, Melide e Silleda gañan “Únete ao reto” por aumentar a reciclaxe de plásticos, latas e briks: https://www.ecosdacomarca.com/post/arz%C3%BAa-melide-e-silleda-ga%C3%B1an-%C3%BAnete-ao-reto-por-aumentar-a-reciclaxe-de-pl%C3%A1sticos-latas-e-briks
Silleda entrega a Aupa Deza o premio de Ecoembes: https://www.ecosdacomarca.com/post/silleda-entrega-a-aupa-deza-o-premio-de-ecoembes
Comments