O Concello de Arzúa e Bico de Xeado presentan un xeado especial para a Festa do Queixo

Este novo sabor poderá ser degustado por primeira vez nunha cata aberta ao público que terá lugar o 11 marzo na Casa de Correos

Laura Moure/Arzúa

O Concello de Arzúa apoiou a idea presentada por Bico de Xeado para dar forma a unha creación única que pon en valor o produto estrela da comarca. O resultado deste esforzo é o Xeado de Queixo de Arzúa-Ulloa DOP con Marmelo, unha delicia que combina tradición e innovación e que se presentou oficialmente o venres xunto á hostalería local. Esta é a primeira vez que Bico de Xeado fai unha adaptación deste tipo para unha colaboración especial.

José María Calo Faraldo: Presidente da Cooperativa (Cooperativa agraria provincial de A José María Calo Coruña), José Luis Cabarcos Corral: Director, Ana María Vázquez Fernández: Responsable de Marca, Xesús Carril: Alcalde de Arzúa, Dani Moscoso: Concelleiro de Xuventude e aRamón Roldán: Coordinador.

Este novo sabor poderá ser degustado por primeira vez nunha cata aberta ao público que terá lugar o 11 marzo ás 18:00 horas na Casa de Correos. Ademais, os establecementos

hostaleiros de Arzúa terán a posibilidade de ofrecer este xeado nos seus locais, sumándose así á celebración da Festa do Queixo cun produto exclusivo.

Por outra banda, durante os días da Festa do Queixo, que se celebrará en Arzúa, o público

poderá degustar este xeado na foodtruck “Biconeta” situada no recinto festivo.

Publicidade    

Preme na imaxe se queres contactar connosco.

Dende o Concello de Arzúa destacan a importancia desta colaboración como exemplo de posta en valor dos produtos locais, promovendo sinerxías entre o sector público e privado para ofrecer novas experiencias gastronómicas aos asistentes á festa.

A Festa do Queixo, un dos eventos máis importantes do calendario gastronómico galego, volve apostar pola calidade e a innovación mantendo sempre a esencia da tradición. Con

esta nova proposta, os asistentes poderán descubrir unha maneira diferente de gozar do queixo de Arzúa-Ulloa DOP, fusionado coa cremosidade e frescura dun xeado artesanal.