O Concello de Arzúa acollerá una nova edición do programa "Muller Rural Dixital”

As prazas son limitadas e cubriranse por orde de solicitude

Laura Moure/Arzúa

O Concello de Arzúa, a través do seu Centro de Información ás Mulleres, acollerá unha nova edición do programa “Muller Rural Dixital”, que ten por obxectivo formar a mulleres desempregadas ou en mellora de emprego en accións formativas para a adquisición de competencias dixitais.

O Programa, financiado pola Unión Europea, no marco do Plan de Recuperación, Transformación e Resiliencia, procura a mellora das capacidades dixitais das persoas desempregadas para impulsar o emprendemento e o desenvolvemento rural e reducir a fenda de xénero.

Publicidade

Preme na imaxe para obter máis información!

Os contidos dos cursos, que constan de 3 niveis, atenden ás competencias dixitais recollidas no Marco Europeo de Competencias dixitais para a cidadanía, e se dividen en 5 áreas:

• Información. Navegación, procura e filtrado de información.

• Comunicación. Interacción a través de tecnoloxías.

• Creación de contidos. Desenvolvemento de contidos.

• Seguridade. Protección de dispositivos.

• Resolución de problemas.

• 
  

O curso realizarase na Aula Cemit do Concello de Arzúa en horario de 10:00 a 14:00 horas e ten unha duración total de 120 horas no caso de completar os tres niveis de 40 horas cada un. Ao rematar o curso, outorgarase acreditación oficial e dotarase ás participantes dun terminal dixital; nesta caso, unha tablet con teclado externo.

Publicidade

Preme na imaxe se quere contactar connosco.

As prazas son limitadas e cubriranse por orde de solicitude. A inscrición, que é de balde debe formalizarse nesta ligazón.

Para máis información poderase acudir ao Centro de Información ás Mulleres (Rúa Santiago, 2) ou chamar ao teléfono 981 501 101.