O Concello de Antas de Ulla solicita á Deputación colaboración para paliar a situación de seca

Laura Moure/Antas de Ulla

O Concello de Antas de Ulla remitiu un escrito á Deputación de Lugo para demandar colaboración e para que mostre a súa axuda aos concellos desta provincia para paliar a situación de seca.

O ESCRITO ÍNTEGRO:

Dada a actual situación de seca que se está a padecer en toda a provincia de Lugo, e tendo en conta que o ordenamento local foi situando ás Deputacións Provinciais como entidades supramunicipais ás que, ademais de recoñecerlles un ámbito de intereses propios, lles atribúe como misión fundamental a de garantir os principios de solidariedade e equilibrio intermunicipal, cun obxectivo primordial neste eido, como é o de asegurar a prestación integral e axeitada na totalidade do territorio provincial dos servizos de competencia municipal.

Tendo en conta, así mesmo, que as competencias en materia de abastecemento de auga á poboación corresponden aos concellos, de conformidade co disposto na Lei 7/1985, de 2 de abril, Reguladora das Bases do Réxime, e que as Deputacións deben asumir, como finalidade institucional básica, ser o soporte da asistencia e cooperación cos Concellos (así se recolle na Declaración de Lugo da Comisión de Deputacións, Cabildos e Consellos Insulares da FEMP do 7 de novembro de 2008) de cara a garantir a prestación integraldos servizos públicosde proximidade, que tan decisivamente determinan a calidadede vida dos cidadáns, desde o Concello de Antas de Ulla, SOLICITAMOS información á esa Deputación Provincial de Lugo, a fin de coñecer si ese organismo provincial, en resposta a esa ineludible misión de cooperación cos Concellos, conta con algún mecanismo de colaboración para axudar aos Concello da provincia ante esta dramática situación.

Preme na imaxe se quere contactar connosco.

En caso de que así sexa, desde o Concello de Antas de Ulla, SOLICITAMOS a colaboración dese ente, mediante financiamento e/ou axudas para acometer as actuacións necesarias a fin de evitar chegar a un escenario de seca total en datas próximas.

En caso de que por esa Deputación Provincial de Lugo, non se estea a levar a cabo ningún tipo de actuación encamiñada a colaborarcos Concellos ante o actual escenario de escaseza de auga, e nalgún caso mesmo de seca, SOLICITAMOS, se articule, á maior brevidade, algún tipo de instrumento a fin de cooperar cos Concellos, ante a actual conxuntura, ao abeiro desa finalidade institucional básica da Deputación de asegurar a prestación integral e axeitada na totalidade do territorio provincial dos servizos de competencia municipal.