O Concello de Antas de Ulla repartirá 1.320 euros en premios no seu concurso de disfraces

Organiza actividades para os días 19 e 21 deste mes

Laura Moure/Antas de Ulla

O Entroido celebrarase polos distintos rincóns, entre estes en Antas de Ulla. O Concello desta vila organiza varias iniciativas para os días 19 e 21 deste mes. Ademais, repartirá 1.320 euros en premios no seu concurso de disfraces.

O domingo día 19 terá lugar o Entroido dos nenos e nenas a partir das 16:00 horas na Praza Nova con desfile de disfraces e unha morea de actividades: casa de bolas, tobogán, pista americana, rocódromo, inchables, obradoiro de chapas e merendola con doces propios desta época.

O martes día 21 celebrarase a Festa de Entroido con premios para os mellores disfraces, nas categorías de individuais e parellas e de comparsas. Poden apreciarse na imaxe:

E por último, será a Festa de Entroido e desfile de disfraces a partir das 21:00 horas coa Charanga Era Visto.

Preme na imaxe se queres contactar connosco!

"Ide preparando as vosas máscaras que arranca o Entroido en Antas de UIla!", recalca o Concello.