Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

O Concello de Agolada organiza un magosto para este sábado, 30 de outubro

Será no pavillón municipal e haberá degustación de castañas e torresmos


Laura Moure/Agolada

O Concello de Agolada retomará a celebración do magosto, tras meses de pandemia. A cita será este sábado, 30 de outubro, no pavillón municipal a partir das 21:30 horas.

Verónica Cambón.

Os asistentes poderán degustar o produto estrela desta festa, a castaña, ademais de torresmos. “Debemos volver pouco a pouco a normalidade e non se poden perder as tradicións, como son os magostos”, sinala o alcalde do municipio, Luis Calvo.


A xornada festiva estará amenizada pola música da artista lucense Verónica Cambón. Ela participou no 2016 na sección Recanteiros do programa Luar da Televisión de Galicia, quedando semifinalista. Conta xa cunha longa traxectoria no mundo da música e gravou o seu primeiro disco, que leva por título Que viva a verbena e que foi producido por Félix Cebreiro (Quela Récords).


Por suposto, cumpriranse todas as medidas de loita contra a Covid-19 porque o Concello é consciente de que debemos seguir coidándonos.

49 vistas0 comentarios
IRS.jpg

ESPAZO DISPOÑIBLE PARA ANUNCIARSE