top of page

O Concello acomete a reparación de varias vías no casco urbano de Silleda

Tamén se continúa cos traballos de limpeza de cunetas en varios puntos do municipio, tendo en conta as incidencias polas abondantes precipitacións das últimas semanas


Laura Moure/Arzúa

O Concello de Silleda iniciou na xornada de onte o arranxo de varias vías no casco urbano da capital municipal, que acusaban deterioros por mor das inclemencias meteorolóxicas. Así, procedeuse á reparación en puntos como a Avenida do Parque, a rúa de Outeiro, ou a vía denominada Travesía do Campo, que une a rúa de Trasdeza con Carballeira de Chousiño.

Do mesmo xeito, o equipo municipal de bacheo actuou tamén na saída da AP-53 á altura da parroquia de Lamela, completando os traballos de limpeza das cunetas realizados a pasada semana.

Precisamente a limpeza de cunetas e vías afectadas polas abundantes choivas das últimas semanas está a centrar nestes días o traballo do departamento municipal de Vías e Servizos, ca limpeza e adecentamento tamén en varios puntos do municipio silledense.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page