Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

O colexio de Antas de Ulla celebra o seu propio Camiño de Santiago "terrorífico" polo Samaín

O Concello conmemorará esta celebración este domingo con numerosas actividades


Laura Moure/Antas de Ulla

O alumnado e o profesorado do CEIP Plurilingüe de Antas de Ulla fixeron este venres o seu propio Camiño de Santiago "terrorífico" con motivo do Samaín. Mentres escoitaron un conto espeluznante foron atopando seres terribles e pavorosos como a Santa Compaña e a procesión de ánimas das que se fala nas lendas galegas.

O centro vén de poñer en marcha un proxecto que vai traballar sobre o Camiño de Santiago e a lingua galega. Con este obxectivo crearon un tramo do Camiño de Santiago terrorífico entre Antas de Ulla e Palas de Rei que percorreron os nenos e nenas dos diferentes cursos con motivo do Samaín.


Ao longo do percorrido o alumnado pasou polo cruceiro de Lameiros, o albergue de Ligonde, por un cemiterio de peregrinos, un hospital de peregrinos ou unha igrexa do Camiño. No traxecto tamén atoparon coa Santa Compaña e as ánimas, que interpretaron os profesores do colexio. Os nenos e nenas acudiron disfrazados de diferentes personaxes terroríficos que se poden atopar no Camiño.


Durante o traxecto, unha alocución vailles contando aos alumnos as particularidades do Camiño de Santiago e da Santa Compaña. O proxecto tamén pretende traballar a lingua galega a través de todo o percorrido con frases ao longo do tramo do Camiño nas que se pode ler, por exemplo 'Así chove no Camiño'. Tamén na alocución se fala de escritores galegos e persoeiros da cultura galega. Esta iniciativa pretende ter continuidade nas seguintes celebracións que faga o centro, sempre coa temática da lingua e o Camiño de Santiago como protagonistas.


Pola súa banda, o Concello de Antas de Ulla prepara numerosas actividades para celebrar o samaín este domingo 31 de outubro. A partir das 16:00 horas e ata as 19:00 horas a Praza Nova convertirase nun escenario "terrorífico" ao que convidan a asistir disfrazado.


Haberá actividades nas que debular lendas galegas, xogos de globoflexia, paracaídas, bolos, desfile, un obradoiro de teatriños de papel e moito máis.

35 vistas0 comentarios
IRS.jpg

ESPAZO DISPOÑIBLE PARA ANUNCIARSE