O centro de día de Palas de Rei conmemora o décimo quinto aniversario da súa posta en funcionamento

Dispón, na actualidade, de 22 prazas cubertas

Laura Moure/Palas de Rei

O centro de día de Palas de Rei conmemora o décimo quinto aniversario da súa posta en funcionamento. Con este motivo acolleu unha programación especial, na que os usuarios, acompañados de membros das súas familas, persoal traballador no centro; forzas e Corpos de Seguridade (como da Garda Civil e Protección Civil), persoal de Servizos Sociais e do CIM, así como, representantes municipais participaron na visualización da proxección dun vídeo, elaborado polo propio persoal do eentro, ilustrativo dos diferentes tipos de profesionais que a diario desenvolven unha función no mesmo.

Logo da entrega dun diploma persoalizado aos usuarios por parte das súas coidadoras, a profesora Milagros Bordones ofreceulles unha representación de danza contemporánea e a Coral Polifónica de Palas interpretou unha serie de pezas musicais.

O centro de día, posto en marcha dende a área de Servicios Sociais do Concello de Palas de Rei coa finalidade de axudar ás persoas que pola súa condición vital así o precisan, tamén contribúe a conciliar a vida dos seus coidadores familiares. Dispón, na actualidade, de 22 prazas cubertas de usuarios/as, en réxime de 10:00 a 18:00 horas, que reciben un variado tipo de atención específica en función das súas necesidades.

Preme na imaxe se queres contactar connosco.

Dentro do seu conxunto de persoal, atopamos dende coidadoras, persoal de cociña, auxiliares, animadoras socioculturais, asistenta social e persoal de fisioterapia ata persoal de limpieza e de mantemento. Ademais, dispón dun servizo de desprazamento propio e os usuarios contán coa permante vixilancia e supervisión médica e enfermeira.