top of page

O centro de Cogami en Medelo colabora co Festival 17º Ribeira Sacra no deseño do seu merchandising

Persoas usuarias do centro elaboran os produtos e creacións co que o Festival reafirma a

súa mensaxe social e inclusiva

Laura Moure/Silleda

As persoas usuarias do centro que a Confederación Galega de Persoas con Discapacidade (COGAMI) ten en Medelo, Silleda, son as protagonistas dunha colaboración que manteñen co Festival 17º Ribeira Sacra na que, a través do seu traballo, cada unha delas demostra que non existen límites nin barreiras cando se aposta pola inclusión da discapacidade.

A iniciativa convértese nunha aposta firme do Festival 17º Ribeira Sacra por favorecer a

inclusión, tanto ao elixir o centro de recursos de Medelo no deseño e elaboración dos

produtos que van ser expostos á venda durante a súa celebración nesta fin de semana,

como tamén, na propia organización do festival que está deseñado para a participación e

asistencia de todas as persoas, ao ser accesible.


Publicidade

Os produtos foron elaborados nos obradoiros de cestería, coiro, tecidos e pintura que

desenvolve o centro de Medelo. En palabras do director do centro, Iván García, “despois de moito traballo e esforzo conseguimos crear unha serie de produtos que representan os

valores do festival e poñen de manifesto as grandes capacidades que poden chegar a ter as persoas con discapacidade sempre que se lles de a oportunidade e se lles trate de forma igualitaria”.


Ademais de participar activamente no deseño destes produtos, Medelo está convidado a

asistir ao festival. “O fin social está no noso ADN como festival, traballamos para que todas

as persoas poidan participar, contribuír e gozar dos festivais que organizamos. A cultura, a

música e, polo tanto, os procesos creativos deben ser inclusivos”, explica Carlos Montilla,

director de I-Radia Crea e do Festival 17º Ribeira Sacra.

Esta colaboración xorde para dar continuidade á conexión iniciada durante o ano pasado

entre I-Radia Crea e COGAMI, cando desenvolveron un plan de Accesibilidade deseñado

por I-Radia e que se executou durante a celebración da pasada edición do Festival nos concellos de Chantada, Sober e Monforte de Lemos.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page