O BNG leva ao Parlamento do Estado a situación do edificio da rúa Álvaro Cunqueiro de Lalín

Ecos da Comarca/Lalín

O deputado do BNG, Néstor Rego Candamil, adscrito ao grupo parlamentar mixto, ao abeiro do estabelecido no artigo 185 e seguintes do Regulamento do Congreso, formula as

seguintes preguntas dirixidas ao Goberno para a súa resposta escrita relativas á cesión por parte da SAREB á Xunta da Galiza do inmóbel sito na rúa Álvaro Cunqueiro de Lalín para a súa dedicación a aluguer social.

"A SAREB é a propietaria da maior parte dun edificación sen rematar en Lalín na rúa Álvaro Cunqueiro, cuxas obras quedaron paralizadas despois da crise inmobiliaria de 2008, o que determinou que o inmóbel rematara en mans do denominado banco malo que rescatou parte dos activos inmobiliarios considerados tóxicos das distintas entidades financeiras. O edificio precisa de actuacións urxentes para garantir a seguridade das

instalacións, porén, implica unha oportunidade excelente para apostar polo remate das obras e ofertar vivenda pública ou de aluguer social na vila. Por tanto, é preciso que a SAREB acometa as melloras de mantemento precisas nesta altura, ao tempo que se procede a ceder o edificio, xunto co resto de inmóbeis sitos na Galiza, á Xunta para que, unha vez se rematen as obras, se proceda á súa incorporación a unha bolsa de vivenda pública en aluguer. Con esta medida, lograríase mobilizar un importante número de vivendas en réxime de aluguer social en Lalín e paliar o importante déficit de vivenda na vila, un dos seus principais problemas. No concello de Lalín máis de 28% das 11.731 vivendas están baleiras, o que implica case tres de cada dez, un total

aproximado de 3.307, ao tempo que os prezos dos alugueres viuse incrementado notabelmente nos últimos anos, facendo imposíbel o acceso á vivenda de moitas

persoas. Con estes datos evidénciase a necesidade de promover máis vivenda

en réxime de aluguer social que facilite o acceso ás persoas con menos recursos,

mozos e clases populares en xeral", explica o Bloque.

Publicidade

Preme na imaxe para obter máis información do evento.

Polos motivos expostos, o BNG formula as seguintes preguntas dirixidas ao

Goberno:

1. Cal é a actual situación do citado inmóbel en obras sito na Rúa Álvaro Cunqueiro de Lalín?

2. Cal é a cota de propiedade da SAREB no mesmo?

3. É consciente a SAREB da necesidade de iniciar actuacións urxentes para garantir a seguranza pública no inmóbel?

5. Comparte a SAREB que este inmóbel representa unha oportunidade para

dedicalo a vivenda pública en réxime de aluguer social?

Publicidade

Preme na imaxe se queres contactar connosco.

6. Cal é a súa disposición para apostar polo remate das obras?

7. Considerará a cesión do edificio, xunto co resto de inmóbeis sitos na

Galiza, á Xunta para a súa incorporación a unha bolsa de vivenda pública

e de aluguer social facilitando así o acceso á vivenda de determinados

colectivos?

8. Despois de coñecerse o anuncio de transferir unha serie de inmóbeis da

SAREB á SEPES para a promoción de vivenda pública, pode o Goberno confirmar se o citado edificio en construción sito en Lalín na Rúa Álvaro Cunqueiro está entre os inmóbeis cedidos?