top of page

O BNG de Vila de Cruces poñerá en marcha o centro interxeracional Anisia Miranda

“A dinamización dunha vila comeza por dar contido aos distintos espazos e edificios públicos para crear tránsito, dun xeito ordenado e coherente", sinala Álex Fiuza


Ecos da Comarca/Vila de Cruces

O BNG de Vila de Cruces aposta por dar vida aos diferentes edificios públicos, con servizos necesarios para a veciñanza, tratando de ordenalos en espazos máis visibles,

accesibles e apetecibles para os usuarios. Por isto, o BNG ten un plan que comeza por poñer en marcha o Centro Interxeracional Anisia Miranda.

Este centro localizarase no edificio polivalente, lugar a onde se trasladará a Biblioteca Municipal Xosé Neira Vilas, "a cal precisa dunha dotación importante de material, maior visibilidade en lugar de tela nos baixos do auditorio municipal, abandonada e sen ofrecer maior servizo que o de préstamo de libros, xa que actualmente é un lugar ben pouco apetecible para a lectura ou o estudo. Este centro disporá tamén de espazo para Ludoteca, cunha programación lúdica anual para todas as idades, con sala para videoxogos, aula de belas artes entre outras", explica o partido nacionalista.

Co traslado da Biblioteca e a posta en marcha do Centro Interxeracional Anisia Miranda "buscarase dar resposta a unha necesidade fundamental, que será dar posibilidades de ocio a sectores de idade totalmente esquecidos en Vila de Cruces, como son a mocidade e as persoas maiores, situando nun lugar estratéxico, conectado coas instalacións deportivas, o parque da residencia, os centros educativos e a residencia".

Esta acción, subliña, "provocará unha segunda fase, que será a rehabilitación da planta baixa do auditorio Xosé Casal, para a redistribución de aulas amplas para a escola de música, e un local de ensaio e estudo de gravación".


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page