O BNG de Vila de Cruces demanda a vacina Covid para os maiores nos centros de saúde

Ecos da Comarca/Vila de Cruces

O BNG vén rexistrar no Concello de Vila de Cruces unha petición ao goberno municipal, para instar á Consellaría de Sanidade, que a vacinación da cuarta dose da Covid 19 se realice nos centros de saúde das localidades, ao igual que o fai a organización nacionalista en todo o país.

"Desde o Bloque trasladamos a nosa total desconformidade coa decisión de non aplicar a vacinación nos centros de saúde, a ultima ademais administrada conxuntamente coa da gripe", explica o portavoz, cruceño, Alex Fiuza.

Preme na imaxe se quere contactar connosco.

E insiste en que " inaceptable obrigar a persoas de 80, 85, 90 ou máis anos a desprazarse quilómetros a Santiago de Compostela, co que iso implica de problemas físicos para moitos destes maiores e mesmo tamén de gasto económico, incomodidades como en moitos casos nos que dependen de familiares, veciños ou servizos de transporte tendo en conta as deficiencias que existen no noso concello".