O BNG de Silleda lembra ao goberno local os compromisos políticos acordados en ambos o pasado xullo

Demanda que se planifique a limpeza de cunetas de camiños municipais de modo que poidan realizarse os dous pases acordados, priorizando na medida do posible o uso de medios propios co fin de evitar o incremento de custos que supón a subcontratación

Ecos da Comarca/Silleda

O BNG de Silleda lembra ao goberno local os compromisos políticos acordados en ambos o pasado mes de xullo. Tal e como se recolle nese documento, que foi enviado aos medios o 26 de xullo de 2023, un dos compromisos consistía en ampliar e reforzar o servizo de roza e limpeza de cunetas de camiños municipais, facendo dous pases ao ano no período comprendido entre a primavera e o outono.

Ao respecto, o goberno municipal acaba de iniciar o procedemento de adxudicación dese

servizo para o ano 2024 (expediente 213/2024), iniciándose o proceso de publicación dos

pregos técnicos e posterior licitación. "Desde o BNG facemos un recordatorio ao goberno municipal para que teña en conta o acordado o ano pasado nesta materia, e planifique a limpeza de cunetas de camiños municipais de modo que poidan realizarse os dous pases acordados, priorizando na medida do posible o uso de medios propios co fin de evitar o incremento de custos que supón a subcontratación".

Publicidade

Preme na imaxe para obter máis información!

"Queremos lembrar que a limpeza de cunetas municipais non é un capricho do BNG, senón que é un servizo moi importante nas parroquias, tanto para a seguridade de condutores e peóns, como para evitar posible incendios”, indica a portavoz local do BNG, Erea Rey.

Publicidade

Preme na imaxe para obter máis información.

O grupo municipal do BNG lembra que o seu apoio á aprobación das retribucións dos cargos electos con dedicacións así como do posto de persoal eventual son froito dese acordo político e están suxeitos ó cumprimento dos compromisos.

Publicidade

Preme na imaxe para obter máis información do evento.

Así, a portavoz nacionalista, recalca que “o incumprimento dos acordos levaríanos a

reconsiderar negativamente o noso apoio a ambas medidas. Desde o BNG esperamos que se cumpra o acordado e solicitamos ao goberno municipal que faga público un calendario no que detallen con claridade en que semanas se espera que o servizo sexa prestado en cada parroquia”.