O BNG de Lalín lamenta as “promesas incumpridas” arredor do edificio de servizos integrados da Xunta

Mari Fernández considera “un insulto” que Xunta e Concello “sigan facéndose fotos e anunciando datas que nunca cumpren”

Ecos da Comarca/Lalín

O BNG de Lalín considera “un insulto e unha nova tomadura de pelo á veciñanza” que a conselleira de Medio Rural e o alcalde de Lalín “volveran onte (polo xoves) facer outra foto máis nas obras eternas do edificio de servizos integrados da Xunta de Galicia no noso concello”. A voceira municipal nacionalista, Mari Fernández Sanmartín, pediu a ambos responsables políticos “un pouco de vergoña” e pediu que “deixen de insultar á cidadanía co enésimo anuncio dunha data de apertura deste edificio que leva nas mans do PP na Xunta desde o ano 2011”.

O BNG de Lalín lembra que este proxecto foi obra dunha Consellería nacionalista no goberno bipartito da Xunta, que a entrada do PP no Goberno galego “converteu nunha

odisea de idas e voltas e atrancos que nos levaron até hoxe e seguimos sen ver rematado o edificio”, sinalou Fernández Sanmartín. A voceira nacionalista considera “intolerable”

que logo das idas e vidas dos gobernos do PP na Xunta con este proxecto “aínda teñan a

cara dura de vir a dicirnos que os traballos están moi avanzados e que a ver si está listo

para finais de ano”.

 PUBLICIDADE

Preme para obter máis información.

Critica Fernández Sanmartín esta política de “foto sobre foto e anuncio sobre anuncio”

da Consellería do Medio Rural “coa participación e o aplauso do alcalde de Lalín”. As

obras do edificio de servizos integrados da Xunta en Lalín, lembra o BNG, foron

adxudicadas en setembro de 2023 cun prazo de execución de 21 meses. “Primeiro

viñeron facer a foto e dicirnos que estaría no verán de 2025, despois xa era no segundo

semestre, e un ano despois -estamos rematando o primeiro semestre de 2026- seguimos

facendo fotos e alargando prazos”.

 PUBLICIDADE

Preme na imaxe e contacta con nós!

Fernández Sanmartín insta aos gobernos do PP na Xunta e o Concello a “traballar máis

e facer menos fotos”. Critica que os incumprimentos con Lalín “son unha falta de

respecto á veciñanza deste concello e a toda a Comarca do Deza” e lémbralles que “a

xente ten memoria e sabe contar o tempo, e no BNG de Lalín non imos consentir que o

PP siga xogando coa veciñanza”.

NOTICIA RELACIONADA:

• Gómez sinala que o edificio de servizos integrados da Xunta en Lalín se atopa na súa fase final: https://www.ecosdacomarca.com/post/g%C3%B3mez-sinala-que-o-edificio-de-servizos-integrados-da-xunta-en-lal%C3%ADn-se-atopa-na-s%C3%BAa-fase-final