O BNG de Dozón cuestiona a licitación para a contratación de concesión da residencia e centro de día

Ecos da Comarca/Dozón

O BNG de Dozón pronúnciase sobre a licitación "do procedemento negociado sen publicidade para a contratación de concesión da residencia e centro de día en Dozón. A convocatoria extraordinaria e urxente foi notificada nin con 24 horas de antelación para poder consultar toda a documentación e cotexala coa anterior, a do concurso previo", recalca o Bloque.

Visita en meses pasados ao terreo da residencia.

Sinala as seguintes cuestións:

"1º. Deberíase incorporar ao expediente as razóns polas que o concurso quedou deserto.

Se foi por orzamento de construción moi baixo ou se o orzamento de explotación era baixo. Se foi porque ninguén soubo de que se sacara a concurso. Supoño que haberían empresas que foron por alí a ver o expediente, o terreo, etc. Algo lle dirían".

"2º. O máis lóxico é que quedara deserto por orzamento escaso tanto para a construción como para o mantemento. Mais o orzamento de construción segue a ser o mesmo, o período de concesión segue a ser o mesmo ( 40 anos) e as tarifas propostas seguen sendo as mesmas".

"3º. A lexislación, no contrato negociado sen publicidade despois de quedar deserto o

concurso, só permite modificacións leves. E así son as modificacións que contén este novo

documento e que son contraditorias:

a) Modifícase o prazo de execución. No concurso de 2024 era de 14 meses e agora no

negociado pasa a ser de 12 meses. Semella unha contradición, baixar o prazo cando quedou deserto con máis.

b) Acreditación de solvencia, no concurso de 2024 era de 5 anos de experiencia en

construción deste tipo de edificios e 4 anos de experiencia na xestión de residencias

e centros de día nos últimos 10 anos. Agora no negociado, mantense os 5 anos de

experiencia en construción, pero baixa de 4 a 2 anos a experiencia na xestión de

residencias nos últimos 10 anos. Isto é sospeitoso, máis que un procedemento

negociado semella que se trata de adaptar os pregos a alguén que está previamente

escollido e só ten 2 anos de experiencia na xestión de residencias".

Publicidade

Preme na imaxe para obter máis información do evento.

O BNG recalca que "sería conveniente saber as razóns polas que quedou deserto o concurso para proceder a modificar os pregos e volvelo a sacar a concurso outra vez e non levalo ao negociado porque se trata dunha concesión moi apetecíbel. 54 millóns de € en 40 anos. Cheira a amaño para que alguén leve esta concesión á conta de fondos públicos e dos nosos maiores. Facer unha proposta no apartado de obrigas do concesionario. Queremos que conste nos pregos a reserva de 10 ou máis prazas para usuarios do noso concello. Ten que ser obxectivo desta corporación e desta residencia cubrir as necesidades dos nosos maiores, que poidan estar no lugar onde teñen a súa familia e os seus veciños, tanto na residencia como no centro de día".

Publicidade

Preme na imaxe se queres contactar connosco.

Ademais, indica que paraconseguir ese obxectivo "queremos abrir un novo apartado na paxina 22, Apartado B.2 co seguinte enunciado: plan de mantemento dos nosos maiores no noso concello e plan de retorno para os que actualmente se atopen en residencias de fóra do concello. Que este apartado sexa puntuado con 6 puntos. Ao procedemento negociado sen publicidade, súmase a convocatoria extraordinaria e urxente polo q non tivemos nin 24 horas para consultar toda a documentación e cotexala coa anterior, a do concurso".