O BNG de Agolada esixe a dimisión inmediata de Luís Calvo como alcalde de Agolada

Pide ao PAyJ que presente outra persoa para este cargo

Ecos da Comarca/Agolada

A concelleira do BNG de Agolada, Susana Tato, pronúnciase sobre a sentenza do alcalde deste municipio, Luis Calvo. O Bloque pide a dimisión inmediata do rexedor.

COMUNICADO DO BNG DE AGOLADA

Respecto da sentenza que condena ao alcalde de Agolada,dende o BNG Agolada facemos as seguintes declaracións:

1.Como non podía ser doutro xeito, no BNG respectamos as decisións xudiciais e esiximos ao alcalde que asuma as súas responsabilidade por actuacións irresponsables na toma de decisións hai uns cantos anos.

Publicidade

Preme na imaxe para obter máis información do evento.

2. Se ben é certo que o alcalde é unha autoridade local, esta non é absoluta. Na súa actuación debe cumprir coa lexislación vixente para impedir actuacións arbitrarias baseadas no capricho persoal e debe respectar os procedementos administrativos, seguindo os trámites e requisitos legais na toma de decisións e na execución das accións e non actuar por libre, prescindindo absolutamente o procedemento regrado, como foi no caso que nos ocupa.

3.Toda a veciñanza, tecido asociativo e actores económicos teñen dereito a ser respectados nas súas actividades con independencia da súa adscrición ideolóxica. Todos debemos actuar con respecto ás normas e ningún político está por riba de ninguén, por moitos votos que teña. As decisións dos políticos  deben ser transparentes e estar respaldadas pola legalidade. Nesta ocasión non foi así e iso ten consecuencias penais. 

Publicidade

Preme na imaxe se queres contactar connosco.

4. Vista a sentenza esiximos a dimisión inmediata de Luís Calvo como alcalde de Agolada e ao PAyJ que presente outra persoa para alcalde. NON PODE DURAR UN MINUTO MÁIS NO POSTO, por decencia democrática da que tanto fala o PARTIDO ANTICORRUPCIÓN y JUSTICIA".

BNG Agolada

NOTICIAS RELACIONADAS:

• Condenan a tres anos e medio de cárcere ao alcalde de Agolada por precintar Lácteos Farelo: https://www.ecosdacomarca.com/post/condenan-a-tres-anos-e-medio-de-c%C3%A1rcere-ao-alcalde-de-agolada-por-precintar-l%C3%A1cteos-farelo

• O alcalde de Agolada sentou hoxe no banco dos acusados por precintar a ampliación da depuradora de Lácteos Farelo: https://www.ecosdacomarca.com/post/o-alcalde-de-agolada-sentou-hoxe-no-banco-dos-acusados-por-precintar-a-ampliaci%C3%B3n-da-depuradora-de-l