O BNG da comarca da Montaña anima a festexar hoxe o Día da Patria Galega

Ecos da Comarca/C. Arzúa/T.Melide

O Bloque Nacionalista Galego da comarca da Montaña estivo presente nas feiras das localidades de Arzúa e Curtis estes 22 e 23 de xullo popularizando a celebración do Día da Patria Galega nuns encontros nos que estiveron presentes militantes da formación, integrantes do Consello Comarcal, e no caso de Arzúa, o alcalde nacionalista, Xoán Xesús Carril. 

Publicidade

Preme na imaxe para obter máis información do evento.

A formación nacionalista animou deste xeito á veciñanza a participar da manifestación nacional que terá lugar este 25 de xullo ás 12 horas desde a Alameda de Compostela. "Esta é unha data vai máis alá do simbolismo, é a data na que celebrarmos o noso orgullo como pobo que loita cunha lingua que resiste, mais tamén na que reivindicarmos que queremos máis, unha Galiza ceibe na que nós decidamos o noso futuro", destacou Iria Carreira, responsábel comarcal. "Somos unha nación viva e non imos renunciar aos nosos dereitos".

Publicidade

Preme na imaxe para obter máis información do evento.

Unha celebración que non se limita a esta manifestación, senón que continúa co Festigal, un gran evento que reúne música e cultura galegas no Campus Vida da USC e que comezará esta noitiña do 24 de xullo e se prolongará ata o remate do día 25.