top of page

O BNG cruceño pide ao "desgoberno que deixe de usar as redes sociais do concello de modo partidista"

Foto del escritor: ecosdacomarcaecosdacomarca

Ecos da Comarca/Vila de Cruces

O BNG de Vila de Cruces esixe ao "equipo de desgoberno que deixe de utilizar as redes sociais do concello de xeito partidista, a través dun medio que difunde comunicados do grupo de Xuntos pagado por toda a veciñanza, e de pretender seguir nesa liña, solicita que se compartan tamén a través das redes sociais municipais os comunicados de todos os grupos da Corporación, así como os enlaces ás gravacións dos plenos". E incide en que "a páxina e redes do Concello deberían representarnos a todas e todos. Xuntos non as pode utilizar de xeito partidista".

"Nulo respecto institucional"

O BNG considera que un "novo exemplo da falta de respecto e de transparencia co resto da Corporación é en canto á cobertura de Intervención, da cal non temos constancia porque ninguén nos informou da súa chegada. Ao igual que ningún membro do desgoberno informa dos cambios de data dos plenos, nin da asistencia de membros da Xunta para presentar proxectos importantes para Vila de Cruces como a estrada de Gres, malia o BNG ter ofrecido o seu apoio ao desgoberno publicamente. O alcalde afirmaba no pleno non ter avisado da visita da Xunta por falta de tempo, mais si lle deu tempo a Taboada de facer populismo barato colocando o día antes unha nova pancarta", acusa o partido nacionalista. E indica que ante calquera dúbida, a veciñanza pode ver o pleno a través da canle de YouTube, "que é o xeito máis obxectivo de valorar o total esperpento que está a supoñer este desgoberno para o noso concello", espeta o BNG.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page