O BNG cruceño insta ao goberno local a que lle poña solución ao desprendemento dun talude en Piloño

Laura Moure/Vila de Cruces

O BNG de Vila de Cruces comunicou por escrito a 31 de xaneiro o desprendemento deste talude en Piloño, no acceso ao CEIP Cerdeiriñas. "Obstrúe parte da beirarrúa, a cal tamén precisa ser reparada. E isto supón unha serie de barreiras que dificultan o tránsito da veciñanza, que nos fixo chegar esta necesidade", apunta o grupo nacionalista. Por esta razón, "instamos ao goberno local a poñerlle solución", recalca.