top of page

O BNG Agolada di que xa están acostumados a que a Xunta do PP "só se acorde das necesidades do seu concello cando están preto eleccións"

Recórdalles aos populares que o colexio do municipio precisa máis inversión que o cambio de ventás


Ecos da Comarca/Agolada

Dende o BNG Agolada indican que xa están acostumados a que a Xunta de Galicia do Partido Popular "só se acorde das necesidades do seu Concello cando están preto eleccións". “Agora o Xefe Territorial de Educación ven de anunciar xa está preparado o proxecto de remate de todas as ventás e que se fará no curso 2024/25. Isto anúnciao, sen ruborizarse, a catro días de inicio da campaña electoral. E despois de votar en contra das iniciativas parlamentarias do BNG, e das emendas os presupostos presentadas polo grupo nacionalista”.


Susana Tato, concelleira do BNG de Agolada.

Dende o BNG agolense queren recordarlle o Partido Popular que en setembro do ano 2022 o Xefe Territorial mantivo unha reunión ca ANPA de Agolada, onde se comprometeu xa a facer o estudio e presupostos para levar a cabo os arranxos. "Dende setembro do ano 2022 non tiveron tempo de anunciar nada e moito menos de facer nada ata días antes do inicio da campaña". O cal o BNG lle parece "moi sospeitoso e unha clara manobra para gañar votos, aínda que xa están acostumados a este tipo de política no Concello. A compra de votos con promesas que non van a ningún lado”.


Publicidade

Só esperan que esta non sexa unha promesa que caia en saco roto. “O que xa nos teñen moi acostumados. Queremos recordar que o 30 de abril do 2023 tamén anunciaron a reactivación das parcelarias, tamén as portas do inicio da campaña electoral para as municipais. Pero quedou niso, nun anuncio, porque pasaron as eleccións e nada cambiou”. Recordan que xa era a segunda campaña electoral onde facían un anuncio das parcelarias que xamais cumpriron.


Publicidade

Tamén queren recordarlles que o colexio do concello precisa máis inversión que o cambio de ventás. Xa que, polo que lle consta o grupo do BNG hai graves problemas de humidades e goteiras, e incluso problemas estruturais provocados pola humidade que necesitan inversión, “a no ser que queiramos ver caer o noso colexio”. Indica o equipo do BNG de Agolada, “aledámonos que a Xunta invista no noso concello, pero que o faga de verdade e durante os catro anos que duran as lexislaturas, xa estamos cansos que veñan con promesas de inversións as portas das campañas electorais e que nunca cumpran os

compromisos”.


Publicidade

Confían dende o equipo do BNG local que os veciños e veciñas non se deixen seguir enganando nin manipulando con políticas baseadas en promesas incumpridas. E tamén desexan que o Partido Popular "está vez si cumpra co anuncio feito e non empregue o benestar dos nenos e nenas do concello para facer a política das mentiras que tanto lles gusta".

0 comentarios

Comentários


IRS.gif
Copia de ¡TU Anuncio!.gif
Ecos_da_Comarca_neg.png
bottom of page