O arcebispo de Santiago oficiará as misas dos domingos en San Breixo de Foxás, en Touro

Ecos da Comarca/Touro

No día de onte a Asociación San Breixo recibiu, tal e como nos conta a este medio, notificación por parte da Arcebispado de Santiago de Compostela comunicándolle que será o propio arcebispo de Santiago, mons. Francisco J. Prieto Fernández, quen oficie as misas dos domingos en dita parroquia durante o vindeiro ano 2024.

Publicidade

Preme na imaxe para obter máis información!

O arcebispo celebrará as misas dominicais de forma temporal ata que non se asigne un

párroco definitivo a parroquia de Foxás. As misas serán tódolos domingos as 13:30 horas, unha vez que se oficie a misa do peregrino na Catedral de Santiago.

Publicidade

Preme na imaxe para obter máis información.

Dende finais do mes de outubro na parroquia de Foxás non se oficiaron máis misas dominicais, o motivo de que non se celebraran máis misas foi porque o párroco titular, D. Sidónio Alves de Sousa, presentou ante o Arcebispado o seu cese voluntario e inmediato de dita parroquia.

Representantes dos veciños e membros da Asociación do San Breixo mantiveron, tal e como sinalan, dende outubro reunións co propio Arcebispo Compostelán para que se buscase solución e se nomease un novo párroco para dita parroquia. Dende o primeiro día os representantes dos veciños din que o Arcebispo manifestou que sería el mesmo quen se encargaría do asunto e comprometeuse a que na próxima ordenación sacerdotal, a parroquia de Foxás contaría cun novo párroco.

Publicidade

Preme na imaxe se quere contactar connosco.

Os veciños de Foxás non saen do seu asombro pola decisión tomada polo Arcebispo Mons. Prieto, Arcebispo nomeado polo papa Francisco o 1 de abril de 2023, e hoxe mesmo enviaranlle escrito de agradecemento e incluso lle ofrecerán a posibilidade de rehabilitar a casa reitoral para que poida desfrutar das tardes do domingos na “aldea”.

Máis información (Pinchando neste enlace)