Esta estivo organizada polo Clube Escola Atletismo Deza
Laura Moure/Silleda

A alcaldesa de Silleda, Paula Fernández; a concelleira de Deportes, Mónica González; e o concelleiro de Reto Demográfico, Manuel Requeijo, acudiron este venres ao pavillón César G. Fares, onde se celebraron probas de atletismo nas que participaron os tres centros de Primaria do municipio.
Publicidade
Nesta competición, organizada polo Clube Escola Atletismo Deza, e que xa comezou o pasado xoves, participaron os alumnos e alumnas de varios cursos de Primaria dos tres centros educativos de Silleda (CEIP de Silleda, CEIP Ramón de Valenzuela e CEIP María Inmaculada).
Publicidade
Entre as probas que fixeron están lanzamento de vórtex, lanzamento de balón medicinal, salto de lonxitude e carreira de relevos, entre outros.
Publicidade
Dende o Concello de Silleda agradécese tanto a participación dos centros como o traballo do clube de Atletismo Deza, que este mesmo ano iniciou cun notable éxito a súa actividade no municipio silledense.
Comments