Laura Moure/Sobrado dos Monxes
O alumnado do obradoiro dual de emprego Terras da Montaña está a realizar nestes días as prácticas do módulo de xardinaría en diversos puntos do concello de Sobrado.
Xa levaron a cabo labores de produción de plantas, utilizando diversas técnicas, plantación de especies ornamentais, preparación do terreo e sementeira do céspede da piscina, preparación de xardineiras, labores de segado ou desbroce, entre outras.
Por outra banda, tamén están a renovarse os bancos do paseo e da piscina e as figuras de madeira do xardín de Santiago do Campo, así como o parterre co nome do Concello.
Kommentare