O alcalde cruceño visita a obra do camiño situado no lugar de Castrelo, na parroquia de Bodaño

 Luís Taboada considera que esta intervención, na que se mellora a capa de rodaxe, "aportará seguridade viaria e benestar á veciñanza"

Ecos da Comarca/Vila de Cruces

O alcalde de Vila de Cruces, Luís Taboada, visitou a parroquia de Bodaño para supervisar a obra de conservación do camiño situado no lugar de Castrelo, consistente na mellora da capa de rodaxe deste viario. Na visita, que se celebrou este martes, estivo acompañado polo concelleiro de Obras, Patrimonio e Urbanismo, Juan Carlos Rodríguez.

O alcalde destacou a importancia destas actuacións para a seguridade viaria e o benestar

da veciñanza. Na actualidade, engádese unha nova capa de rodaxe de aglomerado en

quente para dar fin ao mal estado que soportaba este firme, e contribuír así a mellorar os

accesos existentes do concello.

Publicidade

Preme na imaxe se queres contactar connosco.

Esta actuación está incluída no Plan de Mellora de Camiños Municipais tramitado polo

Concello de Vila de Cruces.